தூத்துக்குடி மாநகராட்சிக்குட்பட்ட 51 வது வார்டு பகுதி திருவிக நகர் பகுதியில் பூங்காவிற்கு ஒதுக்கப்பட்ட இடம் உள்ளது இந்த இடம் பிரச்சனை நீதிமன்றம் வரை சென்று நீதிமன்றம் பூங்காவிற்கு ஒதுக்கப்பட்ட இடம் சரிதான் என்று தீர்ப்பு வழங்கியது.
இதனையடுத்து மாநகராட்சி நிர்வாகம் இடம் முழுவதும் பென்சிலிங் போடப்பட்டு கதவு அமைக்கப்பட்டது. அப்பகுதியை சேர்ந்த பொதுமக்கள் அந்த இடத்தில் அங்கன்வாடி மையம். ரேஷன் கடை. சிறுவர்கள் விளையாடுவதற்கான உபகரணங்கள் வாலிபால் மைதானம் அமைக்க வேண்டும் என்று கோரிக்கை வைத்திருந்தனர். இந்நிலையில் மாநகராட்சி அதிகாரிகள் அந்த இடத்தில் மரம் நடுவதற்காக அங்கு சென்றனர் சிறிய ஜேசிபி இயந்திரம் மூலம் மரம் வைப்பதற்கான குழி தோண்டும் போது அப்பகுதியைச் சேர்ந்த பொதுமக்கள் அங்கு வந்து மரம் ஏன் நடப்படுகிறது என்று கேட்டபோது பசுமை காடு அமைப்பதற்காக மரம் நடுகிறோம் என்று மாநகராட்சி அதிகாரிகள் கூறியதையடுத்து பொதுமக்கள் பசுமை காடுகள் எங்களுக்கு வேண்டாம் நாங்கள் வைத்த கோரிக்கை நிறைவேற்றி தர வேண்டும் என்று மரம் நடக்கூடாது என்று கூறி மாநகராட்சி அதிகாரிகளுடன் பொதுமக்கள் வாக்குவாதத்தில் ஈடுபட்டனா். இதனால் அப்பகுதியில் சிறிது நேரம் பரபரப்பு நிலவியது இதனையடுத்து மாநகராட்சி அதிகாரிகள் மரம் நடுவதற்காக தோண்டப்பட்ட குழியை மூடிவிட்டு சென்றுவிட்டனர்.
இது பற்றி அப்பகுதி பொது மக்கள் கூறுகையில் இந்த இடம் பிரச்சனை தொடர்பாக நீதிமன்றத்திற்கு பல்வேறு உதவிகளை நாங்கள் தான் செய்தோம் அதன் அடிப்படையில் இந்த இடம் பூங்காவிற்கு என்று ஒதுக்கப்பட்டுள்ளது இந்த இடத்தில் நாங்கள் அங்கன்வாடி மையம் ரேஷன் கடை சிறுவர்கள் விளையாடுவதற்கான விளையாட்டு உபகரணங்கள் வாலிபால் விளையாடுவதற்கான மைதானம் அமைத்து தருமாறு மாநகராட்சி மேயா் ஜெகன்பொியசாமியிடம் நாங்கள் கோரிக்கை வைத்திருந்தோம் ஆனால் திடீரென்று மாநகராட்சி அதிகாரிகள் பசுமை காடாக மாற்றுவதற்காக மரம் நடுவதற்காக மாநகராட்சி அதிகாரிகள் வந்த போது அதனை நாங்கள் அமைக்க கூடாது என்று எதிா்ப்பு ெதாிவித்து கூறிவிட்டோம் எங்களுக்கு இந்த இடத்தில் வாலிபால் விளையாட்டு மைதானம் சிறுவர்கள் விளையாடுவதற்கான உபகரணங்கள் அமைத்து தர வேண்டும் அங்கன்வாடி மையம் வாடகை கட்டிடத்தில் இயங்குகிறது அதனையும் இங்கு அமைத்து தர வேண்டும் என்று மாநகராட்சிக்கு கோரிக்கை வைத்துள்ளோம். இது பற்றி விசாரித்த போது மாநகராட்சி மேயர் ஜெகன் பொியசாமி அந்த இடத்தில் வாலிபால் போட்டி சிறுவர்களுக்கான உபகரணங்கள் அமைக்க வேண்டும் என்று அதிகாரிகளுக்கு உத்தரவிட்டிருந்தார் ஆனால் மாநகராட்சி அதிகாரிகள் சிலா் மாற்றம் செய்து பசுமை காடு அங்கு அமைப்பதற்கான நடவடிக்கையை எடுத்துள்ளனர் என்பது குறிப்பிடத்தக்கது.
