காமராஜரை இழிவாக பேசிய திமுக எம்பி திருச்சி சிவா மீது திமுக நடவடிக்கை எடுக்காததால் பெருந்தலைவர் மக்கள் நலச்சங்கம் சார்பில் முதல்வர் வருகையின்போது கருப்பு கொடி ஏந்தி போராட்டம் தூத்துக்குடியில் பரபரப்பு!!!

தூத்துக்குடியில் பெருந்தலைவர் காமராஜர் குறித்து அவதூறாக பேசிய திருச்சி சிவா மீது நடவடிக்கை எடுக்காததை தொடர்ந்து இன்று தூத்துக்குடி வருகை தந்த தமிழக முதல்வருக்கு பெருந்தலைவர் மக்கள் நலச்சங்கம் அமைப்பு சார்பில் அதன் நிறுவனத் தலைவர் எஸ். பி. மாரியப்பன் தலைமையில் பனை மரங்கள் நிறைந்து காணப்படும் பகுதியில் கருப்புக்கொடி ஏந்தி போராட்டம் நடைபெற்றது. முன்னாள் தமிழக முதல்வர் காமராஜர் குறித்து திமுக எம்பி திருச்சி சிவா அவதூறு பரப்பும் வகையில் கருத்துக்களை வெளியிட்டார் இதற்கு தமிழகம் முழுவதும் கடும் கண்டனம் தெரிவிக்கப்பட்டது பல்வேறு தரப்பினர் திருச்சி சிவாவை கண்டித்து கண்டன ஆர்ப்பாட்டங்களில் ஈடுபட்டு வந்தனர் திருச்சி சிவா தனது பேச்சுக்கு பகிங்கரமாக மன்னிப்பு கேட்க வேண்டும் மேலும் திருச்சி சிவா மீது திராவிட மாடல் ஸ்டாலின் அரசு நடவடிக்கை எடுக்க வேண்டும் என கோரிக்கை வைக்கப்பட்டது இல்லை என்றால் தூத்துக்குடி வரும் திராவிட மாடல் முதல்வருக்கு கருப்பு கொடி காட்டப்படும் என பெருந்தலைவர் மக்கள் நலச் சங்கம் சார்பில் அறிவிக்கப்பட்டிருந்தது இதைதொடர்ந்து தூத்துக்குடியில் கார் தொழிற்சாலை திறப்பு உள்ளிட்ட பல்வேறு நிகழ்ச்சிகளில் கலந்து கொள்வதற்காக முதல்வர் இன்று தூத்துக்குடிக்கு வருகை தந்தார்.அவருக்கு கருப்புக்கொடி காட்டி ஆர்ப்பாட்டம் நடத்துவோம் என அறிவித்த பெருந்தலைவர் மக்கள் நலச்சங்கம் அமைப்பினருக்கு காவல்துறை சார்பில் எந்தவித அனுமதிகளும் வழங்கவில்லை தொடர்ந்து போராட்டம் நடத்த காவல்துறை சார்பில் நெருக்கடி கொடுக்கப்பட்டதாக கூறப்படுகிறது இதை அடுத்து முதல்வருக்கு கருப்பு கொடி காட்டும் வகையில் நூதன முறையில் தூத்துக்குடி கிராம பகுதியில் குறிப்பாக பனை மரங்கள் நிறைந்து காணப்படும் காட்டுப் பகுதியில் வைத்து பனை மரங்களில் கருப்பு கொடியேற்றியும் திருச்சி சிவாவை கண்டித்து பெருந்தலைவர் மக்கள் நலச் சங்கத்தைச் சேர்ந்தவர்கள் மற்றும் தமிழ்நாடு பனையேறி இளைஞர் சங்கம் காமராஜர் லட்சிய பேரவை ஆகிய அமைப்பு சார்பில் ஏராளமானோர். காமராஜர் உருவப் படத்தை தாங்கியபடி தங்கள் கைகளில் கருப்பு கொடிகளை ஏந்தி திருச்சி சிவாவுக்கு எதிராக கண்டன கோஷங்களை எழுப்பிய படி திமுக அரசை கண்டித்து தங்கள் எதிர்ப்பை தெரிவித்தனர் இதன் காரணமாக அந்த பகுதியில் பெரும் பரபரப்பு ஏற்பட்டது தூத்துக்குடி வருகை தந்த முதல்வருக்கு பெருந்தலைவர் மக்கள் நலச் சங்கம் சார்பில் காட்டுப் பகுதியில் வைத்து கருப்புக்கொடி காட்டி பனை மரங்களில் கருப்புக் கொடி ஏற்றி நடத்திய இந்த ஆர்ப்பாட்டம் தூத்துக்குடி மாவட்டத்தில் பெரும் பரபரப்பை ஏற்படுத்தி உள்ளது.