தூத்துக்குடி மாநகர தையல் தொழிலாளர் நலச் சங்க பொறுப்பாளர்களை நியமிக்கும் கூட்டம் நடைபெற்றது.
தூத்துக்குடி மாநகர தையல் தொழிலாளர் நலச் சங்க பொறுப்பாளர்களை நியமிக்கும் கூட்டம் மற்றும் உயர்க தையற் கலை நடத்தும் மாதாந்திர கூட்டம் மற்றும் கட்டணமில்லா பயிற்சி வகுப்புகள் நடைபெற்றது.
பயிற்சி வகுப்பில் பாராகன் டெய்லர்ஸ் உரிமையாளரும் தந்தி ஆபிஸ் சுற்று வட்டார வியாபாரிகள் சங்க தலைவர் அந்தோணி முத்து தனக்கு தெரிந்த கலை எல்லோருக்கும் பயன்பட வேண்டும் என்று அனைத்து தையல் பயிற்சி மாணவ மாணவிகள் மற்றும் டெய்லரிங் கடை நடத்தி வரும் இளம் தையல் கலைஞர்கள் அனைவருக்கும் தையல் கலையில் உள்ள நுட்பங்களை கற்றுக் கொடுத்தார்கள். நிகழ்ச்சியில் பங்கேற்க துபாயில் இருந்து வருகை தந்த “மோகன் பாலா” அனைத்து தையல் கலைஞர்களுக்கும் தையல் பயிற்சி அளித்தார்கள்.
தூத்துக்குடி நகர வர்த்தகர்களின் மத்திய சங்க தலைவரும் தமிழ்நாடு வணிகர் சங்கங்களின் பேரவையின் மாவட்ட செயலாளருமான ஜவகர் தமிழ்நாடு வணிகர் சங்கங்களின் பேரவையின் மாவட்ட தலைவரும் தூத்துக்குடி நகர வர்த்தகர்களின் மத்திய சங்கத்தின் பொதுச் செயலாளமான தெர்மல் ராஜா ஆகியோா் தலைமை தாங்கினர்கள்.
தூத்துக்குடி மாநகர தையல் தொழிலாளர் நலச் சங்க தலைவராக ஆஸ்கார் டெய்லர்ஸ் உரிமையாளர் கருப்பசாமி செயலாளராக நியூ பேஷன் டெய்லர்ஸ் உரிமையாளர் ஜெயக்குமார் பொருளாளராக சரவணன் சங்கப் பிரதிநிதியாக மகேஷ் துணை தலைவர்களாக முருகன், ஜெயமுருகன், துணை செயலாளர்களாக ராஜன், ராஜேஷ் கண்ணா கௌரவ ஆலோசகர்களாக அலெக்ஸ் ரவி, கணேசன், ரெக்ஸ் சங்க ஆலோசகர்களாக மோகன பாலா, ஜெயபால், சுரேஷ் செயற்குழு உறுப்பினர்களாக பத்மாபாலா, ரமேஷ், மாரியப்பன், சுரேஷ், மணி, அன்புராஜ், சின்னதுரை, பாண்டியராஜன், உலகநாதன், சசி, சுப்புலட்சுமி, தனம் ஆகியோருக்கும், மகளிர் அணி தலைவியாக சகாய செல்வம் ஆகியோருக்கு பதவி பிரமாணம் செய்து வைத்தார்கள்.
தமிழ்நாடு வணிகர் சங்கங்களின் பேரவையின் மாவட்ட தலைவர் தெர்மல் ராஜா பேசுகையில் முன் காலங்களில் சித்த மருத்துவத்தில் நம்மை மிஞ்சிட உலகில் யாரும் கிடையாது என்கின்ற நிலையில் நாம் இருந்தோம். மூலிகைகள் மற்றும் அதன் பயன்கள் பற்றி அடுத்த சந்ததியினருக்கு சொல்லிக் கொடுக்காமல் விட்டு சென்றதால் நாம் இன்று பல சிகரங்களை அடைய முடியாது வெளிநாட்டு மருந்துகளுக்கு அடிமையாய் இருக்கின்றோம். இன்று இப்பயிற்சி வகுப்பில் மூத்த தையல் கலைஞரும் பாராகன் டெய்லர்ஸ் உரிமையாளருமான மத்திய சங்கத்தின் மூத்த உறுப்பினருமான அந்தோணி முத்து தனக்கு தெரிந்த தையல் கலையை எல்லோருக்கும் சொல்லிக் கொடுத்து அதனை அனைவரும் பயன்படுத்த வேண்டும் என்று கூறி தையல் கலையில் உள்ள நுட்பங்களை இளம் தையல் கலைஞர்கள் அனைவருக்கும் கற்றுக் கொடுப்பதை பார்க்க மிகவும் சந்தோசமாகவும் பெருமை கொள்ளும் விதமாகவும் இருக்கிறது. கட்டணமில்லாமல் நடத்தும் இந்த தையல் பயிற்சியில் கலந்து கொண்டு உள்ள மாணவ மாணவிகள் மற்றும் டெய்லரிங் கடை கலைஞர்கள் அனைவருக்கும் தமிழ்நாடு வணிகர் சங்கங்களின் பேரவை சார்பாகவும் தூத்துக்குடி நகர வர்த்தகர்களின் மத்திய சங்கம் சார்பாகவும் வாழ்த்துக்கள் மேலும் இதுபோல் அனைத்து கலைகளும் வளரவேண்டும் என்றும் பேசினார்.
மத்திய சங்க தலைவர் ஜவகர் பேசுகையில் சங்க உறுப்பினர்கள் ஒற்றுமையோடு இருந்து சங்கத்தை திறம்பட நடத்திட பொறுப்பாளர்களுக்கு உதவிட வேண்டும் என்றும் உறுப்பினர்கள் யாருக்கு என்ன பிரச்சனை என்றாலும் நாங்கள் உங்களோடு துணை நிற்போம் என்றார்.
இக் கூட்டத்தில் தூத்துக்குடியில் உள்ள அனைத்து பிரபல டெய்லர்களும் கலந்து கொண்டனா். செயலாளர் ஜெயக்குமார் நன்றி கூறினாா்.
