கொடைக்கானல் நட்சத்திர ஏரியை உருவாக்கிய அப்போதைய மதுரை கலெக்டராக இருந்த சர் வீர் ஹென்றி லெவின்ஸ் இவரது 206-வது பிறந்தநாள் விழா இன்று கோலாகலமாக கொண்டாடப்பட்டது.
இந்த சிறப்புமிக்க ஏற்பாட்டை கொடைக்கானல் நகர மன்ற தலைவர் செல்லத்துரை அவர்கள் தலைமையில் வெகு சிறப்பாக கொண்டாடப்பட்டது.
1864-ம் ஆண்டு மதுரை மாவட்ட கலெக்டராக இருந்தவர் சர் வீர் ஹென்றி லெவின்ஸ். வில்பட்டி கிராம மக்களின் மேய்ச்சல் நிலமாக இருந்த அசம் ஓடையை மறித்து நட்சத்திர ஏரியை உருவாக்கினார். இன்றைக்கு கொடைக்கானலின் முக்கிய இடமாக இருக்கிறது நட்சத்திர ஏரி. ஆண்டுக்கு 15 கோடிக்கு மேல் கொடைக்கானல் நகராட்சிக்கு வருமானம் தரக்கூடிய நிலையில் உள்ளது. கொடைக்கானல் எரிச்சாலை உலக அளவில் சுற்றுலா தளமாக விளங்குவதில் முதன்மை வகிக்கிறது.
நட்சத்திர ஏரியை உருவாக்கிய லெவின்சின் 206-வது பிறந்த நாளான இன்று அதைக் சிறப்பாக கொண்டாடும் விதமாக கொடைக்கானல் நகரத் தந்தை செல்லத்துரை அவர்கள் சுற்றுலா பயணிகள் மற்றும் பொதுமக்களுக்கு இனிப்பு வழங்கினார் . அதன் பிறகு விவசாய நிலத்தில் விளைந்த அனைத்து பொருட்களையும் அவரது நினைவிடத்தில் வைத்து புகழஞ்சலி செலுத்தினார். இவருடன் தலைமைச் செயலக பத்திரிகையாளர்கள் சங்கத்தின் மாநில ஒருங்கிணைப்பாளரும் தி பப்ளிக் ரிப்போர்ட்டர் உதவி ஆசிரியருமான கோடை வி ஆனந்த், சமூக ஆர்வலர் பேத்துப்பாறை மகேந்திரன்,, மற்றும் கொடைக்கானல் மக்கள் பலரும் இணைந்து விமரிசையாகக் கொண்டாடினார்கள்.இதில் சுற்றுலா வளர்ச்சித் துறை, தன்னார்வலர்கள், பொதுமக்கள் எனக் கொடைக்கானல் மக்கள் அனைவரும் கொண்டாடி வருகின்றனர்.
கடந்த ஒரு வாரமாகப் பள்ளி கல்லூரிகளில் பேச்சுப் போட்டி, கட்டுரைப் போட்டி என நடத்தினார்கள். இன்றைக்கு அவரின் நினைவு ஸ்தூபியில் மலர் வளையம் வைத்து அஞ்சலி செலுத்தினார்கள்.
சர் வீர் ஹென்றி லெவின்ஸ் கொடைக்கானல் ஏரியை உருவாக்கி பிறகு கலெக்டர் பொறுப்பிலிருந்து விலகிக் கொண்டார்.
அதன் பிறகு கொடைக்கானலில் வசித்து வந்தார். கடைசி காலத்தில் அயர்லாந்து சென்று அங்கே காலமானார். 206ஆண்டுகள் ஆனாலும் தற்போது கொடைக்கானல் மக்கள் அவரது பணியைப் பாராட்டும் விதமாகப் பிறந்த நாளைக் கொண்டாடினார்கள் கொடைக்கானல் நகர் மன்ற தலைவர் செல்லத்துரை அவர்களின் சிறப்பான இந்த முயற்சியால் நடைபெற்ற இந்த நிகழ்வுகளை சுற்றுலாப் பயணிகள் பொதுமக்கள் வெகுவாக பாராட்டினார்கள்.
