தூத்துக்குடி மாவட்ட கூடைப்பந்து கழகம் சார்பில் 15-வது அகில இந்திய அளவிலான கல்லூரி மாணவர் மற்றும் மாணவிகளுக்கான கூடைப்பந்து போட்டி ஜிம்கானா கிளப் விஎன்எம்ஏடி ராமகிருஷ்ணன் நினைவு கூடைப்பந்து மைதானத்தில் மின்னொளியில் 5 நாட்கள் நடைபெற்றது. முதல் நாள் போட்டிகளை மேயர் ஜெகன் பெரியசாமி தொடங்கி வைத்தார். மாணவர்களுக்கான இறுதிப்போட்டியில் சென்னை இந்துஸ்தான் கல்லூரியும், பெங்களுரு ஜெயின் பல்கலைக்கழகமும் விளையாடியது.
இப்போட்டியில் இந்துஸ்தான் கல்லூரி அணி 77:67 என்ற புள்ளி கணக்கில் ஜெயின் பல்கலைக்கழக அணியை வென்று முதலிடம் பெற்றது. முதலிடம் பெற்ற இந்துஸ்தான் கல்லூரி அணிக்கு வ.உ.சி துறைமுக ஆணைய சுழற்கோப்பை மற்றும் ரூ.50000 ரொக்கப்பரிசும் வழங்கப்பட்டது. இரண்டாமிடம் பிடித்த ஜெயின் பல்கலைக்கழக அணிக்கு சுழற்கோப்பை மற்றும் ரூ.40000 வழங்கப்பட்டது. மூன்றாம் மற்றும் நான்காம் இடத்துக்கான போட்டிகளில் கேரளா வர்மா கல்லூாி அணியும் கிரைஸ்ட் பல்கலைக்கழக பெங்களுரு அணியும் விளையாடி 74:73 என்ற புள்ளி கணக்கில் கேரளா வர்மா கல்லூரி அணி மூன்றாமிடமும் பெங்களுரு கிரைஸ்ட் பல்கலைக்கழகம் நான்காம் இடம் பெற்றனர். தமிழ்நாடு மெர்க்கன்டைல் வங்கி சுழற்கோப்பைக்கான பெண்கள் லீக் போட்டிகளில் முதல் இடத்தை ஜெயின் பல்கலைக்கழகம் பெங்களுரு அணி 69:60 என்ற புள்ளிக்கணக்கில் சென்னை எம்.ஓ.பி வைஷ்னவா கல்லூரி அணியை வென்று பெங்களுரு ஜெயின் பல்கலைக்கழக அணி தமிழ்நாடு மெர்க்கன்டைல் வங்கி சுழற்கோப்பை மற்றும் ரூ.50000- பரிசுத்தொகை வென்றனர். இரண்டாமிடம் பிடித்த எம்.ஓ.பி வைஷ்னவா கல்லூரி அணிக்கு சுழற்கோப்பை மற்றும் ரூ.40000 பரிசுத்தொகை வழங்கப்பட்டது. போட்டிகளில் மூன்றாமிடம் லொயோலா கல்லூரி அணி சென்னை மற்றும் நான்காம் இடம் கேரளா அல்போன்சா கல்லூரி அணியும் பிடித்தார்கள்.
பின்னர் நடைபெற்ற பரிசளிப்பு விழாவில் மாவட்ட கூடைப்பந்து கழக தலைவர் விவிடி பிரம்மாணந்தம் வரவேற்புரை ஆற்றினர். துறைமுக பொறுப்பு ஆணையத் தலைவர் சுஷாந்தகுமார் பிரோகித் சிறப்புரையாற்றி சுழற்கோப்பை மற்றும் பரிசுகளை வழங்கினார். மாவட்ட கூடைப்பந்து செயலாளர் சாகுல் சிராஜிதின் நன்றியுரை ஆற்றினார்.
