கரூரில் நேற்று நடைபெற்ற விஜய் பிரசார கூட்டத்தில் ஏற்பட்ட நெரிசலில் சிக்கி 8 குழந்தைகள் உள்பட 39 பேர் பலியானார்கள். ஆஸ்பத்திரியில் அனுமதிக்கப்பட்டுள்ள இருவரின் நிலைமை கவலைக்கிடமாக உள்ளதாக தெரிவிக்கப்பட்டுள்ளது. இதனை தொடர்ந்து உயிரிழந்தவர்களில் 38 பேரின் உடல்கள் அடையாளம் காணப்பட்டு உறவினர்களிடம் ஒப்படைக்கப்பட்டுள்ளது. மேலும் உயிரிழந்த ஒருவரின் அடையாளம் காணும் பணி நடைபெற்று வருகிறது. தமிழ்நாட்டையே உலுக்கி உள்ள இச்சம்பவத்திற்கு அரசியல் தலைவர்கள், பல்வேறு அமைப்பு சார்ந்தவர்கள் பலரும் இரங்கலும் தங்களது கண்டனங்களையும் தெரிவித்து வருகின்றனர். இந்நிலையில் பெருந்தலைவர் மக்கள் நலச் சங்கம் நிறுவனத் தலைவர் எஸ் பி மாரியப்பன் தெரிவித்துள்ளதாவது.39 பேர் உயிரிழப்பு சம்பவம் மிகுந்த அதிர்ச்சளிக்கிறது. இறந்தவர் குடும்பங்களுக்கு அரசு 10 லட்சம் என்று தெரிவித்ததை அதிகரித்து தலா 50 லட்சம் வழங்க வேண்டும். விஜய் 6 மாவட்டங்களில் சுற்றுப்பயணம் செய்துள்ளார் சமீபத்தில் மதுரை மாநாடு நடைபெற்றது. இந்தக் கூட்டத்தில் மக்கள் கடல் அலை போல் காணப்பட்டன. இது குறித்த தகவல் அனைத்தும் தமிழக உளவுத்துறை, மற்றும் காவல்துறைக்கு தெரிந்து வரும் நிலையில் நேற்று நடைபெற்ற கரூர் கூட்டத்திற்கு பொதுமக்கள் பல்லாயிரக்கணக்கானோர் திரள்வார்கள் என்பது குறித்து உளவுத்துறை மூலம் கண்டிப்பாக காவல்துறை தெரிந்திருக்கும் முறைப்படி காவல்துறை அனுமதி பெற்று இருந்த நிலையில் கூட்ட நெரிசலில் நிகழ்ச்சி நடத்த ஒதுக்கப்பட்ட இடத்திற்கு நடிகர் விஜய் வர காலதாமதம் ஆகும் பட்சத்தில் போலீஸ் போதிய பாதுகாப்பு, தடையில்லாமல் மின்சாரம், உள்ளிட்ட பாதுகாப்ப அம்சங்களை மாவட்ட நிர்வாகம் காவல்துறை கவனம் செலுத்த வேண்டும் தற்போது கூட்ட நெரிசலில் சிக்கி உயிர் தப்பியவர்கள் பொதுமக்கள் பலரும் பாதுகாப்பு குறைபாடுகள் குறித்து பல்வேறு தகவல்களை தெரிவித்து வருகின்றனர். இந்த விஷயத்தில் மத்திய உள்துறை, புலனாய்வு அனைத்து கண்காணிப்பு கேமரா, மற்றும் அங்கு நடைபெற்ற சம்பவங்கள் குறித்து முழுமையான விசாரணை நடத்த வேண்டும் என பெருந்தலைவர் மக்கள் நலச்சங்கம் அமைப்பு சார்பில் அதன் நிறுவனத் தலைவர் எஸ். பி. மாரியப்பன் கோரிக்கையை முன் வைத்துள்ளார்.
கரூர் 39 பேர் உயிரிழப்பு சம்பவம் மிகுந்த அதிர்ச்சளிக்கிறது. பாதுகாப்பு குறைபாடுகள் உள்ளிட்ட பல்வேறு பிரச்சனைகளை பொதுமக்கள் தெரிவிப்பதால் மத்திய உள்துறை நேரடியாக தலையிட வேண்டும் : பெருந்தலைவர் மக்கள் நலச் சங்கம் நிறுவனத் தலைவர் எஸ் பி மாரியப்பன் கோரிக்கை!!
