தமிழக முதல்வராக இருந்த ஸ்டாலின் அனைவரும் உயர் கல்வி கற்க வேண்டும் என்ற வகையில் பல்வேறு திட்டங்களை செயல்படுத்தி தமிழகத்தில் கிராமப்புற மாணவ, மாணவிகளின் கல்வியின் வளர்ச்சிக்கு வழிவகை செய்தார். தூத்துக்குடி விழாவில் கனிமொழி எம்.பி பேசினாா்.

தூத்துக்குடி மாவட்டத்தில் உயர் கல்வி பயில உள்ள மாணவ மாணவிகளின் கல்விக் கனவை நனவாக்கும் வகையில் கனிமொழி எம்.பி ஏற்பாட்டில் கல்வி கடன் முகாம் வ.உ.சி. கல்லூரியில் நடைபெற்றது. முன்னதாக கல்லூரிக்கு வந்த கனிமொழி எம்.பிக்கு கல்லூரி முதல்வர் வீரபாகு பூங்கொத்து கொடுத்து வரவேற்றார்.

கல்வி கடன் முகாமை திமுக., துணை பொது செயலாளரும், எம்.பி.யுமான கனிமொழி துவக்கி வைத்தார். வடக்கு மாவட்ட திமுக செயலாளரும், முன்னாள் அமைச்சருமான கீதாஜீவன் வரவேற்றார். மேயர் ஜெகன் பெரியசாமி முன்னிலை வகித்தார். முகாமில் 15க்கும் மேற்பட்ட தேசியமயமாக்கப்பட்ட வங்கிகள் மற்றும் தனியார் வங்கியின் அதிகாரிகள் கலந்து கொண்டு கல்வி கடன் கேட்டு விண்ணப்பித்த மாணவ, மாணவிகளுக்கு உடனடியாக கடன் வழங்கும் பணியினை அவர்களது ஊழியர்கள் மூலம் மேற்கொண்டனர். பல மாணவ, மாணவிகளுக்கு கல்வி கடனுக்கான அனுமதி ஆணையை கனிமொழி எம்.பி வழங்கினார். மாணவர்கள் தங்களது பெற்றோருடன் உற்சாகமாக வந்து ஆணையை பெற்றனர்.

முகாமில் கனிமொழி எம்.பி., பேசுகையில், தமிழகத்தில் அனைவரும் உயர் கல்வி கற்க வேண்டும் என்ற வகையில் கருணாநிதி ஆட்சி காலத்தில் முதல் தலைமுறை பட்டதாரி கல்வி கட்டண சலுகையை அறிவித்தார். தமிழக முதல்வராக இருந்த ஸ்டாலின் அனைவரும் உயர் கல்வி கற்க வேண்டும் என்ற வகையில் புதுமைப் பெண் திட்டம், தமிழ் புதல்வன் திட்டம், நான் முதல்வன் திட்டம் என பல்வேறு திட்டங்களை செயல்படுத்தி தமிழகத்தில் கிராமப்புற மாணவ, மாணவிகளின் கல்வியின் வளர்ச்சிக்கு வழிவகை செய்தார். உயர் கல்விக்கு செல்வதற்கு பணம் ஒரு தடையாக இருந்து விடக்கூடாது என்பதற்காக உயர்கல்விக்கு செல்லக்கூடிய மாணவ, மாணவிகளின் நிதி ஆதாரத்திற்கு வங்கிகள் மூலம் கல்வி கடன் முகாம் நடத்தப்பட்டு கல்வி கடன் வழங்கப்படுகிறது. தற்போதைய மாணவ, மாணவிகளுக்கு மிகவும் பயனுள்ளதாக இருக்கக்கூடிய கல்வி கடன் முகாமை நல்ல முறையில் பயன்படுத்தி கொள்ள வேண்டும் என்றார்.

தூத்துக்குடி மாவட்ட வருவாய் அலுவலா் குருசந்திரன், முன்னாள் எம்.பி., அப்துல்லா, ஸ்டேட் வங்கி மண்டல மேலாளர் மகேஷ், இந்தியன் ஓவர்சீஸ் வங்கி மண்டல மேலாளர் ஜெயந்த், தூத்துக்குடி மாவட்ட முன்னோடி வங்கி மேலாளர் விநாயகமூர்த்தி, தமிழ்நாடு மெர்க்கன்டைல் வங்கி பொது மேலாளர் ஆனந்த் கணேசன் மாநகர திமுக., செயலாளர் ஆனந்தசேகரன், கவுன்சிலர்கள் சுரேஷ்குமார், இசக்கிராஜா, வைதேகி, விஜயகுமாா், அறங்காவலர் குழு தலைவர் செந்தில்குமார், மருத்துவ அணி தலைவர் அருண்குமார், தொண்டரணி அமைப்பாளர் முருகஇசக்கி, வழக்கறிஞர் அணி துணை அமைப்பாளர் ரூபராஜா, சிறுபான்மை அணி துணை அமைப்பாளா் சாகுல்ஹமீது, வட்டச்செயலாளர் பாலகுருசாமி, போல்பேட்டை பிரதிநிதி பிரபாகரன், வட்ட பிரதிநிதி பாஸ்கர் மற்றும் மணி, உள்பட பலா் கலந்து கொண்டனர்.