ஆலங்குளம் பகுதியில் சமீபத்தில் நடைபெற்ற பரபரப்பான துப்பாக்கிச்சூட்டு சம்பவத்தில் காயமடைந்த மணிகண்டன் மருத்துவமனையில் சிகிச்சை பெற்று வந்த நிலையில், தற்போது உடல்நிலையில் முன்னேற்றம் ஏற்பட்டு சிந்தித்து நடக்கும் நிலைக்கு வந்துள்ளதாக மருத்துவர்கள் தெரிவித்துள்ளனர். இந்த தகவல் அவரது குடும்பத்தினருக்கும் உறவினர்களுக்கும் பெரும் நிம்மதியை அளித்துள்ளது.
இந்த நிலையில், பெருந்தலைவர் மக்கள் நலச்சங்கத்தின் நிறுவனத் தலைவர் எஸ்.பி.மாரியப்பன் அவர்கள் மருத்துவமனைக்கு நேரில் சென்று மணிகண்டனை சந்தித்து அவரது உடல்நிலையை அன்புடன் விசாரித்தார். மேலும், அவருக்கு வழங்கப்பட்டு வரும் சிகிச்சை முறைகள் குறித்து மருத்துவர்களிடமும் கேட்டறிந்தார்.
அப்போது மணிகண்டனின் குடும்பத்தினரிடம் பேசிய எஸ்.பி.மாரியப்பன் அவர்கள், “எந்த சூழ்நிலையிலும் மனஉறுதியை இழக்கக் கூடாது. மணிகண்டன் விரைவில் முழுமையாக குணமடைந்து இயல்பு வாழ்க்கைக்கு திரும்ப வேண்டும் என்பதே அனைவரின் விருப்பம்” என்று ஆறுதல் கூறியதாக தெரிவிக்கப்படுகிறது.
சமூக அக்கறையுடனும் மனிதநேய மனப்பான்மையுடனும் செயல்பட்டு வரும் எஸ்.பி.மாரியப்பன் அவர்கள், பொதுமக்கள் நலனில் தொடர்ந்து ஈடுபட்டு வருபவர் என்பது குறிப்பிடத்தக்கது. காயமடைந்த இளைஞரை நேரில் சந்தித்து நலம் விசாரித்த அவரது செயலை அப்பகுதி மக்கள் மற்றும் சமூக ஆர்வலர்கள் பாராட்டி வருகின்றனர்.
இந்த சந்திப்பின் போது பெருந்தலைவர் மக்கள் நலச்சங்க நிர்வாகிகள் மற்றும் ஆதரவாளர்களும் உடன் கலந்து கொண்டு மணிகண்டன் விரைவில் குணமடையக் வாழ்த்துகளை தெரிவித்தனர்.
