தூத்துக்குடி மாநகரம் 34 வது வார்டு ஆசிரியர் காலனி இரண்டாவது தெரு மேற்கு பகுதியைச் சேர்ந்த திமுக வட்ட செயற்குழு உறுப்பினரும் பாக முகவருமான சேர்மத்துரை மற்றும் அவரது மனைவி சரோஜா ஆகியோர் கடந்த செப் 30 நம் தேதி குலசேகரப்பட்டினம் தசரா திருவிழா வழிபாடுக்காக இருசக்கர வாகனத்தில் தூத்துக்குடி கோரம்பள்ளம் கலெக்டர் அலுவலகம் அருகில் செல்லும்போது எதிரே வந்த கார் மோதி தூக்கி வீசப்பட்ட நிலையில் சேர்மத்துரை மற்றும் அவரது மனைவி சரோஜா (வயது 49) படுகாயம் அடைந்த நிலையில் இதில் சரோஜாவுக்கு தலையில் பலத்த காயம்பட்டு நாகர்கோவில் தனியார் மருத்துவமனையில் தீவிர சிகிச்சை பிரிவில் அனுமதிக்கப்பட்டு சிகிச்சை பெற்று வந்தார். இந் நிலையில் அக்டோபர் 1ஆம் தேதி சிகிச்சை பலனின்றி சரோஜா உயிரிழந்தார்.
இதனை கேள்விப்பட்ட தூத்துக்குடி வடக்கு மாவட்ட திமுக செயலாளரும் சமூக நலன் மற்றும் மகளிர் உரிமைத்துறை அமைச்சருமான கீதாஜீவன், திமுக பாகமுகவர் சேர்மத்துரை இல்லத்திற்கு சென்று அவரிடத்தில் துக்கம் விசாரித்து ஆறுதல் கூறி உதவிகளை செய்தார்.
இந்நிகழ்வின் போது தூத்துக்குடி மாநகர திமுக செயலாளர் ஆனந்த் சேகரன் 34 வது வட்ட திமுக செயலாளர் சுரேஷ்குமார் வட்ட அவைத் தலைவர் ஆனந்தன், வட்ட பிரதிநிதி ஜெயராம், பகுதி மீனவரணி அமைப்பாளர் டைடஸ் மோகன் மற்றும் திமுக நிர்வாகிகள் உடன் இருந்தனர்.
