தமிழ்நாடு மாநில ஊரகஃநகர்புற வாழ்வாதார இயக்கம் சார்பில் மகளிர் சுயஉதவிக்குழுக்களுக்கு கடனுதவி மற்றும் நலத்திட்ட உதவிகள் வழங்கும் விழா சேலம் மாவட்டம் கருப்பூரில் துணை முதலமைச்சர் உதயநிதி ஸ்டாலின் தொடங்கி வைத்தார்.
இதனையடுத்து, தமிழ்நாடு மாநில ஊரகஃநகர்புற வாழ்வாதார இயக்கம் தூத்துக்குடி மாவட்டம் சார்பில் மகளிர் சுயஉதவிக்குழுக்களுக்கு கடனுதவி மற்றும் நலத்திட்ட உதவிகள் வழங்கும் விழா மாநகராட்சி மாநாட்டு மையத்தில் நடைபெற்றது. கூடுதல் ஆட்சியர் வளர்ச்சி ஐஸ்வர்யா தலைமை வகித்தார். மாநகராட்சி ஆணையர் பிரியங்கா முன்னிலை வகித்தார். தமிழ்நாடு மாநில ஊரகஃநகர்புற வாழ்வாதார இயக்கம் இணை இயக்குநர்ஃதிட்ட இயக்குநர் நாகராஜன் வரவேற்புரையாற்றினார். 1020 சுயஉதவிக்குழுக்களுக்கு 85.365 கோடியில் நலத்திட்ட உதவிகள் வழங்கி அமைச்சர் அனிதா ஆர்.ராதாகிருஷ்ணன் பேசுகையில்: தமிழக முதலமைச்சர் மு.க.ஸ்டாலின் ஆணையின்படி இந்த விழா நடைபெறுகிறது. ஒரு காலத்தில் ஆண்கள் துணையுடன் தான் பெண்கள் இருக்க வேண்டும். அந்த துணை இல்லாமல் இருக்க முடியாது என்ற காலத்தை மாற்றி கிராமம், நகரம் பகுதியில் உள்ள பெண்கள் கலைஞர் ஆட்சியில் தொடங்கிய மகளிர் சுயஉதவிக்குழுக்கள் இன்றைய தினம் முதலமைச்சர் ஸ்டாலின், துணை முதலமைச்சர் உதயநிதி ஸ்டாலின் காலத்தில் எல்லா வகையிலும் பெண்கள் வளர்ச்சி அடைந்து உயர வேண்டும் என்பதை மட்டும் கருத்தில் கொண்டு மகளிர் சுயஉதவிக்குழு வங்கியில் கடன் வழங்கப்பட்டால் பெண்கள் கொடுக்கல் வாங்கலில் சரியாக இருப்பார்கள் என்ற நம்பிக்கை ஏற்பட்டுள்ளது. அதன் மூலம் புதிய தொழில்கள் புரிவதற்கு இந்த அரசும் பல்வேறு திட்டங்களை வகுத்து கொடுக்கின்றன. அதன்படி பல மகளிர் சுயஉதவிக்குழுக்கள் ஆண்களை நம்பி இல்லாமல் எண்ணற்ற தொழில்களை சுயமாக செய்து குடும்ப பொருளாதார உயர்வுக்கு காரணமாக கலைஞர் வித்திட்ட விதை இன்று எல்லோரும் உயர வேண்டும். எல்லாத் தொழிலையும் செய்ய வேண்டும் என்று தமிழக முதலமைச்சர் மு.க.ஸ்டாலின் வழிகாட்டியுள்ளார். மகளிர்களுக்கு உரிமைத்தொகை விடியல் பயணம் என்று எல்லா துறைகளிலும் பெண்கள் வளர்ச்சியடைந்து முன்னேறியுள்ளார்கள். இந்த நிகழ்ச்சியில் கனிமொழி எம்.பியும், அமைச்சர் கீதாஜீவனும் கலந்து கொள்வதாக இருந்தது. சென்னையில் வேலைப் பளு இருந்த காரணத்தினால் வர இயலவில்லை. நாங்கள் இங்கு வந்துள்ளோம். மகளிர் சுயஉதவிக்குழு வளர்ச்சிக்கு காரணமான திமுக அரசுக்கும், தளபதியாருக்கும் பக்கபலமாக இருக்க வேண்டும் என்று பேசினார். சண்முகையா எம்எல்ஏ பேசுகையில்: திமுக ஆட்சி தான் மகளிர்களுக்கு பொற்காலம். அந்த பொற்காலத்தை நிகழ்த்திய தளபதியார் ஆட்சியில் எண்ணற்ற திட்டங்களை அறிவித்து செயல்படுத்தி உங்களுக்கு எல்லா வகையிலும் உதவிகரமாக இருந்து வரும் அரசுக்கு நன்றி கடன் பட்டவர்களாக இருக்க வேண்டும் என்று பேசினார். மாநகராட்சி மேயர் ஜெகன் பெரியசாமி பேசுகையில்: இந்த சுயஉதவிக்குழு ஆரம்பிக்கப்பட்ட காலம் 1989 கலைஞர் ஆட்சியில், இப்போது மீண்டும் திமுக ஆட்சி அமைந்த பின் எல்லோரும் வளர்ச்சிப் பாதையில் செல்ல வேண்டும் என்று கூடுதல் கவனம் செலுத்தப்பட்டு அனைத்து சலுகைகளும் பெண்களுக்கு அதிகளவில் வழங்கப்பட்டு முன்னுரிமை கொடுக்கப்பட்டு வருகிறது என்று பேசினார். விழாவில் துணை மேயர் ஜெனிட்டா செல்வராஜ், தெற்கு மாவட்ட திமுக அவைத்தலைவர் அருணாச்சலம், மாவட்ட அணி அமைப்பாளர்கள் ராமஜெயம், ஜனகர், செல்வக்குமார், ரகுராமன், வீரபாகு, தலைமை செயற்குழு உறுப்பினர் செந்தூர்மணி, ஒன்றிய செயலாளர் புதூர் சுப்பிரமணியன், சுற்றுசூழல் அணி துணை அமைப்பாளர் செந்தில்குமார், முன்னாள் தலைமை செயற்குழு உறுப்பினர் ஜெகன் மற்றும் கபடி கந்தன், வக்கீல் கிருபாகரன், ஜேஸ்பர், பிரபாகரன், கப்பிகுளம் பாபு, ஸ்டீபன்தாஸ், செய்தி மக்கள் தொடர்பு அலுவலர் நவீன்பாண்டியன், கவுன்சிலர் ராமுஅம்மாள் உள்பட அரசுதுறை அலுவலர்கள், மகளிர் சுயஉதவிக்குழுக்கள் பலர் கலந்து கொண்டனர். உதவி திட்ட அலுவலர் முருகன் நன்றியுரையாற்றினார்.
