பெருந்தலைவர் கு. காமராஜரை இழிவாக பேசிய திமுக எம்பி திருச்சி சிவாவை கண்டித்து தூத்துக்குடியில் பெருந்தலைவர் மக்கள் நலச்சங்கம் அமைப்பு நிறுவனர் எஸ்.பி. மாரியப்பன் தலைமையில் விவிடி சிக்னல் பேருந்து நிறுத்தம் அருகில் இன்று மாலை கண்டன ஆர்ப்பாட்டம் நடைபெற்றது.
இந்த ஆர்பாட்டத்தில் அனைத்து கட்சி நிர்வாகிகள், சமுதாய சொந்தங்கள் பெருந்தலைவர் காமராஜர் பக்தர்கள் என பலர் திரளாக கலந்து கொண்டு இதுவரை திருச்சி சிவா மீது எந்த நடவடிக்கையும் எடுக்காத திராவிட மாடல் அரசுக்கு எதிராகவும், காமராஜர் குறித்து இழிவாக பேசிய திருச்சி சிவா எம்பி யை கண்டித்தும் கண்டன கோஷங்களை எழுப்பி ஆர்பாட்டத்தில் ஈடுபட்டனர்.
ஆர்பாட்டத்தின் போது பெருந்தலைவர் மக்கள் நலச்சங்கம் (அமைப்பு) நிறுவனர் எஸ்.பி. மாரியப்பன் செய்தியாளர்களிடம் தெரிவிக்கையில் பெருந்தலைவர் காமராஜர் நாடார் சமுகத்திற்கான தலைவர் மட்டும் இல்லை, அவர் அனைத்து சமூக மக்களுக்கான தலைவர், சொல்லப்போனால் பெருந்தலைவர் காமராஜர் நாடார் சமூக மக்களுக்கு எந்த பலன்களையும் அவர் செய்யவில்லை, அனைத்து சமூக மக்களுக்கு தான் முதல்வரானார் இருந்த காலகட்டத்தில் பல திட்டங்களை வகுத்து தந்தவர். திட்டங்களை செயல்படுத்தியவர்.
அப்படி அனைத்து மக்களுக்கும் தலைவராக இருக்கக்கூடிய கர்ம வீரர் காமராஜரை இழிவுபடுத்தி பேசிய திருச்சி சிவாவை கண்டித்தும், திருச்சி சிவா மீது இதுவரை எந்த நடவடிக்கையும் எடுக்காத திராவிட மாடல் முதல்வர் ஸ்டாலின் அரசை கண்டித்தும் பெருந்தலைவர் மக்கள் நலச்சங்கம் அமைப்பு சார்பில் இன்று கண்டன ஆர்பாட்டத்தை நடத்தினோம்.
திருச்சி சிவா மீது முதல்வர் ஸ்டாலின் இதுவரை எந்த நடவடிக்கையும் எடுக்கவில்லை, இது எங்களுக்கு மிகுந்த மனவேதனை ஏற்படுத்துகிறது. நாளை இரவுக்குள் எம்பி திருச்சி சிவா மன்னிப்பு கேட்க வேண்டும். இல்லையெனில் நாடார் சங்கங்கள் மற்றும் அமைப்புகள் மட்டுமல்லாது அனைத்து சமூக மக்களையும் ஒன்றிணைத்து முறையாக காவல்துறையிடம் அனுமதி பெற்று மிகப்பெரிய போராட்டம் மற்றும் சாலைமறியலில் ஈடுபடுவோம் என்று தெரிவித்தார்.
முதல்வர் ஸ்டாலின் இந்த மாதம் இறுதியில் தூத்துக்குடி வருகை தர உள்ளார்கள்.
முதல்வர் தூத்துக்குடி வருகையை குறித்து பெருந்தலைவர் மக்கள் நலச்சங்கம் அமைப்பு சார்பில் எந்த மாதிரியான நடவடிக்கைகள் எடுக்கப்படும் என்று செய்தியாளர் எழுப்பிய கேள்விக்கு பதில் அளித்த நிறுவனர் எஸ்.பி. மாரியப்பன் திருச்சி சிவா எம்பி நாளை இரவுக்குள் மன்னிப்பு கேட்க வேண்டும்.
இல்லையெனில் ஆர்பாட்டம் குறித்து பெருந்தலைவர் மக்கள் நலச்சங்கம் அமைப்பு சார்பில் முதல்வர் கவனத்திற்கு கொண்டு செல்வோம்.
அதற்கு பிறகும் முதல்வர் ஸ்டாலின் தலைமையிலான திராவிட மாடல் அரசானது திருச்சி சிவா எம்பி மீது நடவடிக்கை எடுக்கவில்லை எனில் தூத்துக்குடி வருகை தரும் முதல்வர் ஸ்டாலினுக்கு பெருந்தலைவர் மக்கள் நலச்சங்கம் அமைப்பு சார்பில் கருப்பு கொடி காட்டி எங்களது எதிர்ப்பை பதிவு செய்வோம் என்று செய்தியாளர் எழுப்பிய கேள்விக்கு பதில் அளித்தார்.
